Í dag eru tvö ár síðan að Ámundi beit á öngulinn hjá mér... ja eða ég á öngulinn hjá honum??

Við ætlum að halda upp á þessi merku tímamót með því að skella okkur í pikknikk og Bláa lónið í þessu líka snilldarveðri.

Næstu helgi ætlum við síðan að fara hringferð um landið. Leggjum í hann um hádegi á föstudag og komum heim seint á mánudaginn.

Snilldarhelgi liðin. Við fórum í hálfgerða úti/innilegu fyrir austan fjall.

Vöknuðum snemma á lau og fórum með Önnu og Abba í góðviðrisferð. Strákarnir löbbuðu upp á Búrfell en ég og Anna sleiktum sólina á meðan, vorum svo ferlega latar eitthvað. Svo fórum við að veiða í Úlfljótsvatni, ja alla vegna gerðum við heiðarlega tilraun til þess. Fiskarnir voru í einhverju verkfalli þannig að það varð lítið úr því að við þyrftum að grilla neitt.

Fórum svo í rándýra Ljósafosslaug, 450 kall á mann takk fyrir. Þar rotaði ég næstum því Ámunda í boltaleik, það hefur nú margsannað sig að ég á ekki að vera að henda og grípa þegar fólk er í grennd.

Ingibjörg og Gilli buðu okkur svo í mat, kjúllinn svitnaði í ofninum þegar við mættum. Þar drukkum við líka bjór og annan bjór og fórum á pöbbinn.

Daginn eftir vöknuðum við aðeins seinna og skelltum okkur á Þingvöll í snilldar veðri. Gat ekki verið flottara :o)

Þá er stelpan komin suður aftur. Það var ferlega fínt að skreppa norður, fengum bara ekki alveg nógu gott veður.

Ég væri nú alveg til í að búa fyrir norðan einhvern tímann seinna, held að það sé bara fínt. Þá þarf maður ekki að eyða eins miklum tíma í Reykjavíkurumferðina...

Annars er náttla fyrst á dagskránni að flytja til Lundar, Svíþjóð. Skólinn byrjar 29. ágúst og við ætlum út 25. ágúst. Ef þið þekkið einhvern sem er með herbergi eða íbúð til leigu í Lundi þá vil ég alveg endilega fá símanúmerið hjá þeim...

Setti inn myndir frá Laugavegsgöngunni á nýju fínu myndasíðuna mína. Setti inn tengil hérna til hliðar á síðunni.

Nei, nei, nei, nei, nei...

Ég er að fara í vinnuferð norður á mánudaginn og þá eru þeir bara að spá rigningu, rigningu og rigningu (en sól fyrir sunnan í staðinn). Ef spáin rætist þá er þetta í annað skiptið í sumar sem ég fer norður í leiðindaveður, en það á einmitt ekki að vera hægt á sumrin...

Annars vorum við að kaupa flugmiða út í gær... brottför frá Íslandi 25. ágúst og komum heim í jólafrí 22. desember.

Ákvað að segja ferðasögu Laugavegsgöngunnar okkar í myndum frekar en máli... Þetta var hrein snilld, enda snilldarveður, snilldarlandslag og eintómir snillingar í hópnum. Gat ekki klikkað :o)

Ingibjörg og Gilli skutluðu okkur í laugarnar 

Brottför úr Landmannalaugum, sólgleraugu á línuna 

Anna og Alda - Brennisteinsalda 

Axel og Gebbi í grennd við Brennisteinsölduna 

Ámundi í toppmálum 

Gebbi, Gugga og hverareykur í logninu 

Kíktum á íshellinn, æddum inn og vorum víst í stórhættu!!! 

Stelpan og strákurinn á fjöllum 

Brottför frá Hrafntinnuskeri í sól og sumaryl 

Það vantaði ekki útsýnið á leiðinni 

Fjallagæjagarpar með sólgleraugun sín 

Fundum fjöll og skafla á leiðinni :o) 

Abbi og Anna í sólarpásu 

Strákurinn brann í sólinni 

Brottför frá Álftavatni 

Gugga að vaða í laxapokunum góðu sem héldu tásunum okkar þurrum 

Hvað segiði... hvert förum við næst? 

Vaði, vaði, vaði 

Ámundi við Markarfljótsgljúfrin, þarna var frekar langt niður 

Brottför frá skálanum í Emstrum, sólin stungin af! 

Þetta var blauti dagurinn okkar... Anna, Axel og Ámundi á röltinu 

Stelpan í rigningargallanum 

Pása númer fjögurhundruð, í grennd við ármót Markarfljóts og Innri-Emstruár 

Næstum komin alla leið, allt orðið grænt og vænt 

Ferðin endaði síðan með eintómri gleði í Þórsmörk 

Afmælisveislan í Búrfelli var fín :o) Fórum í torfæruferð, skoðunarferð, matferð og leikjaferð.. nóg að gera.

Ég held samt að veðrið í Búrfelli geti aldrei verið gott. Ef það er rigning þá er rigning og maður verður blautur. Ef það er rok þá er kalt og hárgreiðslan fer í vaskinn. Ef það er sól þá er allt morandi í flugum og maður verður pirraður og bitinn. Við fengum allar gerðir af veðri þarna á laugardaginn. Ég hafði ekki hugmynd um það hvernig ég átti að vera. Byrjaði með húfuna - skipti yfir í der og flugnanet - aftur húfan - síðan flugnanet og úr jakkanum - aftur í jakkann - húfan á - og svo framvegis.

Þarna var massarokkaraball þar sem að allir dilluðu sér í útilegugallanum, bara krúttlegt að sjá eldri vinnufélaga vanga frúna í gönguskóm og flíspeysu í stíl. Við Ásdís vorum samt reknar einum of oft af gólfinu til að vel gifta fólkið gæti leikið sér.

Í gær var síðan ættarmót pabbamegin. Við fórum í keilu og borðuðum pítsu. Það var virkilega stuttur fyrirvari á dæminu en samt mættu hér um bil allir á svæðið. Snilldarlið :o)

Í kvöld ætla ég að spila með hallærisgenginu og borða gotterí :o)

Á morgun á að vakna snemma og skella sér til Landmannalauga og byrja loksins á Laugavegsgöngunni góðu. Ég hlakka bara til og veðurspáin er hér um bil til fyrirmyndar .o) Allir í Þórsmörk - Húsadal á föstudaginn...