Ásta skásta

27 október 2006

Hávdí

Skítaveður hérna, það var stormviðvörun í nótt og núna er grátt veður og rigning. Mig langar ekkert að vera úti í þessu veðri en samt er ég ógurlega spennt fyrir því að fara út því ég er að fara að hitta mömmu á Kastrup og auðvitað næ ég líka að smella kossi á Guggu systur.

Ég fór í fyrsta fyrirlesturinn minn á mánudaginn og ákvað á sama klukkutíma að hætta í áfanganum. Ég er að sjálfsögðu til fyrirmyndar í skólamálum, hóst, hóst... Ætli maður verði ekki bara að taka vinkonur sínar til fyrirmyndar og læra bara á gítar í staðinn - þá verður bara hópspil í öllum útilegum næsta sumars.

Uppfærði myndasíðuna örlítið, Elsa Björg er nú samt ríkjandi þar eins og alls staðar :o)

En jæja þá er bara að skella sér í pollagallann og arka út i góða veðrið