Sibba (Ámundamamma), Ingibjörg (Ámundasystir) og Gilli (Ingibjargarkærasti) eru í heimsókn hjá okkur. Þau komu á fimmtudagskvöldið og ætla að vera hjá okkur fram á mánudagskvöld.

Það er alltaf gaman að fá gesti og sérstaklega þegar maður fær Egils malt og appelsín í kaupbæti ;o)

Núna er allt gengið í Kaupmannahöfn, þau ætluðu að þræða búðir og kíkja í Tívolí. Ég skrópaði í vettvangsferðinni til að ég gæti lært svolítið. Ég þarf nefnilega að skila verkefni á þriðjudaginn...

Á fimmtudaginn skaust ég til Köben í tilefni af því að Bjössi frændi mætti á svæðið. Ég og Gugga gerðumst sérlegir aðstoðarmenn og pokahaldarar fyrir jólagjafainnkaupin hennar Helgu hans Bjössa. Fyrir einstakan dugnað í starfi var okkur boðið út að borða eftir puðið. Við fjögur hittum Brynjulf á stað sem heitir Reef ´n Beef og smökkuðum krókódíla og kengúrur. Ég var mjög lukkuleg með matinn, þó fannst mér kengúran vera svolítið seig...

Ég vona að þið eigið líflegra laugardagskvöld en ég... svona ykkar vegna ;o)